كين 4 انواع ديال المهام لي كادير فالنهار:
+ الاشياء المهمة و العاجلة: مثلا : عندك امتحان غدا، عندك عرض في العمل ديالك اليوم... بحال هاد الاشياء خاصك تبدا تسبقهم علا الحويج الآخرين كاملين.
+ الاشياء المهمة و ماشي عاجلة: الرياضة، قرائة الكتب، تخطيط و تنظيم الوقت... هاد الحويج حيت ماغادي يقع والو دابا يلا مادرناهمش، كانساوهم ولا كانعڭزو عليهم. هاد النوع خاصنا نعرفوه و مانساوهش حي تمهم، و غادي يبان الاثر ديالو حتا لمن بعد.
+ الاشياء لي ماشي مهمة ولكن عاجلة: خاصك تخلص ورقة الضو اليوما، خاصك ترجع الحوايج لماليه.. هادو ماخاصناش نضحيو بداكشي المهم باش نديروهم. في اغلب الاوقات احسن حل، هو انك تشوف شي واحد آخر يقد يدير ليك هاد المهمة.
+ الاشياء لي ما مهمة ما عاجلة: تشوف التلفزة ، الهضرة الخاوية مع الناس، تصفح الانترنيت بدون سبب... بحال هادو خاص تقلل منهم و ماديرهمش قدر الإمكان.
#خواطر
#طور_ذاتك